O Cheque: Endoso e Aval

O endoso consiste en transmitir todos os dereitos do cheque a favor dunha terceira persoa. Quen transmite o cheque é o endosante e quen o recibe o endosatario.

Formalización do Endoso

Figurará no reverso do cheque mediante a expresión:

«Sexa pagado a [nome da persoa, enderezo do endosatario], sinatura do endosante, [nome e enderezo do endosante]».

O Aval do Cheque

O pagamento do cheque pode garantirse mediante aval, que pode ser total ou parcial. O avalista é a persoa que garante o pagamento se non o fai o principal.

Formalización do Aval

O aval realízase no reverso do cheque mediante a expresión:

«Por aval de [a quen se avala], sinatura do avalista, [nome e enderezo do avalista]».

Prazos e Consecuencias do Cheque

Prazos para a Presentación ao Cobro

O tenedor debe presentar o cheque ao cobro nos seguintes prazos:

• Cheque emitido e pagadeiro en España: 15 días.
• Emitido en Europa e pagadeiro en España: 20 días.
• Emitido fóra de Europa e pagadeiro en España: 60 días.

Só se pode anular un cheque dentro do prazo legal de cobro en caso de extravío ou roubo.

Prescrición: Pasados 6 meses desde a finalización do prazo de presentación, o dereito de cobro prescribe.

Que pode ocorrer se non se cobra en prazo

Se o cheque non se cobra dentro do prazo establecido, poden ocorrer as seguintes situacións:

• O librador pode revogar a orde de cobro.
• O tenedor non poderá endosalo nin reclamar xudicialmente.
• Pode perder a acción de regreso por falta de fondos.

Reclamacións do Tomador

O tomador do cheque poderá reclamar a aquel contra quen execute a acción as seguintes cantidades:

• Contía do cheque.
• 10 por cento da contía non pagada.
• Intereses calculados en base ao tipo de xuro legal incrementado en 2 puntos.
• Gastos, incluído o protesto e as comunicacións.
• Indemnización por danos e perdas.

Formas de Pago Habitual

A Domiciliación Bancaria

A domiciliación bancaria é unha forma de pago que consiste en dar a orde ao banco de que atenda periodicamente, ata novo aviso, todos os recibos que unha empresa, administración ou particular pase ao cobro.

Tipos de Domiciliacións

Domiciliacións de Cargo

Aquelas que supoñen un cargo na conta do cliente (pagos de facturas e recibos de carácter periódico).

Domiciliacións de Abono

Ingresos en conta que previamente foron autorizados polo cliente (abono de nóminas, devolución de impostos, cobro de alugueres).

A Transferencia Bancaria

É a operación por medio da cal se realiza un traspaso de fondos entre dúas contas bancarias correspondentes a dous titulares diferentes ou do mesmo titular.

Tarxetas de Débito

É unha tarxeta que serve para utilizar os fondos depositados na conta corrente ou de aforro á que está asociada.

• Nun principio, as tarxetas de débito só podían utilizarse para sacar diñeiro en oficinas e caixeiros automáticos, así como para consultar saldos e movementos da conta. Na actualidade, tamén poden empregarse para realizar pagos en comercios.
• En ambos os casos (retirada do diñeiro ou pago en establecementos comerciais), a operación rexístrase instantaneamente na súa conta. Esa é a principal diferenza coas tarxetas de crédito.
• Límites para retirar diñeiro: O límite lóxico dunha tarxeta de débito é o diñeiro que teña a conta asociada. Con todo, é moi común que, por razóns de seguridade, as entidades, de acordo co seu cliente, fixen un límite diario, sobre todo para a retirada de fondos dos caixeiros automáticos.

Tarxetas de Crédito

É unha tarxeta que permite dispoñer dunha conta de crédito, facilitada pola entidade que a emite. Iso quere dicir que se vostede é titular dunha tarxeta destas características pode facer pagos ou obter diñeiro, ata certo límite, sen necesidade de ter fondos na súa conta bancaria nese mesmo momento. A cambio, vostede ten que devolver o diñeiro que utilizou, nos prazos previstos.

Regulación dos Prazos de Pago Comerciais

Prazo de Pago Xeral

Trinta días naturais despois da data de recepción das mercadorías ou trinta días naturais despois da data de comprobación dos bens.

Poderán ser ampliados por acordo das partes sen que se poida acordar un prazo superior a 60 días naturais.

Efectos da Falta de Pago en Prazo

Se non se realiza o pago no prazo establecido, aplícanse as seguintes consecuencias:

• Deberá pagar o xuro de demora.
• O credor terá dereito a reclamar unha indemnización de 40 €.
• Sempre que se houbese pactado, o vendedor pode conservar a propiedade ata que se faga o pago total.

Xuro de Demora

O xuro de demora será:

• O tipo de xuro que pacten de antemán, ou
• O tipo de xuro establecido polo Banco Central Europeo + 8 puntos porcentuais.

A Letra de Cambio

Elementos Persoais

Librador

O que emite a letra. Nunha operación de compra-venda é o vendedor.

Librado

Persoa a quen vai dirixida a orde de pago. É necesario que o librado asine o documento para que quede aceptada. A aceptación é escrita no propio documento mediante a palabra “Acepto” ou outra equivalente. Nunha operación de compra-venda é o comprador.

Tomador

Persoa ou entidade onde o librador (vendedor) deposita a letra ata a data de cobro.

Requisitos Mínimos da Letra

Para que o documento sexa válido deben aparecer cando menos os seguintes aspectos:

De faltar calquera destes datos, o documento non pode ser considerado letra, excepto que:

• Se falta o vencemento, considerarase pagadoira á vista.
• Se non se designa un lugar específico de pagamento, entenderase que é o enderezo do librado.

O Vencemento da Letra

A data fixa

O día sinalado no documento.

A un prazo desde a data

Días/meses contados desde a data de emisión.

Á vista

No mesmo día que se presente ao cobro.

A un prazo desde a vista

Días/meses contados desde a data de aceptación.

O Pagaré

Elementos Persoais

Asinante

Emite o pagaré e comprométese ao pago. (Comprador)

Beneficiario

A quen se lle fai o pago. (Vendedor)

Requisitos Mínimos do Pagaré

Para que o documento sexa válido deben aparecer cando menos os seguintes aspectos:

• A denominación de pagaré inserida no texto do título.
• A promesa pura e simple de pagar unha cantidade determinada.
• A indicación do vencemento.
• O lugar no que se fará o pago.
• O nome da persoa a quen hai que facer o pago.
• A data e lugar onde se asina o pagaré.
• A firma do que emite o título, denominado asinante.

Formas de Emisión do Pagaré

Nominativos

Figura o nome da persoa como lexítimo posuidor do pagaré.

Para abonar en conta

Con cláusula que indica que ten que ser abonado en conta.

Cruzados

Cobrado polo lexítimo tenedor mediante abono en conta.

Xestión e Negociación de Efectos Comerciais

Unha vez formalizado o cobro dunha operación comercial mediante efectos (letra ou pagaré), o librador pode optar por:

• Esperar ao vencemento para cobrar.
• Presentalas no banco para que se encargue de xestionar o cobro.
• Presentalas ao banco para unha operación de desconto bancario.

Xestión de Cobro de Efectos

Neste caso, a empresa cede o dereito de cobro dos efectos á entidade financeira que actúa como intermediaria. O banco espera ao vencemento para presentar os efectos ao cobro. Poden ocorrer dous escenarios:

1. Que sexan cobrados: O Banco abonará na conta do cliente o importe, descontando a comisión e outros gastos de xestión.
2. Que non se efectúe o cobro: O banco só cargaría as comisións de devolución.

Desconto ou Negociación de Efectos

Estas operacións eran habituais na actividade empresarial antes da actual crise económica. As empresas que precisan liquidez acudían ás entidades financeiras, que lles anticipaban o diñeiro dos efectos antes do seu vencemento a cambio de cobrar intereses.

A Factura de Negociación

É o documento onde o banco realiza a liquidación da operación de desconto.